Odisha Khabar 24
Other

କାଲିଠାରୁ ଦେଶର ସବୁ ଜିଲ୍ଲାରେ କୋଭିଡ଼ ଟିକାର ହେବ ଡ୍ରାଏ ରନ୍‌, ସବୁ ରାଜ୍ୟର ସ୍ୱାସ୍ଥ୍ୟମନ୍ତ୍ରୀଙ୍କ ସହ ଆଲୋଚନା କଲେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ

କରୋନା ଟିକାକରଣ ପୂର୍ବରୁ ଆସନ୍ତାକାଲି ଦେଶର ସବୁ ଜିଲ୍ଲାରେ ଟିକା ଡ୍ରାଏ ରନ୍‌ କରାଯିବ । ଟିକାକରଣ ପୂର୍ବରୁ ସବୁ ରାଜ୍ୟର ସ୍ୱାସ୍ଥ୍ୟମନ୍ତ୍ରୀଙ୍କ ସହ ଭିଡିଓ କନଫରେନ୍ସିଂରେ ଆଲୋଚନା କରିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଦ୍ଧବର୍ଦ୍ଧନ । ଟିକାକରଣ ପ୍ରାରମ୍ଭରେ କୋଭିଡ୍‌ ଯୋଦ୍ଧାଙ୍କୁ ପ୍ରାଥମିକତା ଦିଆଯିବ । ଏହା ସହ ଟିକା ପ୍ରସ୍ତୁତରେ ସାମିଲ ହୋଇଥିବା ଡାକ୍ତର ଓ ବୈଜ୍ଞାନିକ ମାନଙ୍କୁ ସେ ସଲାମ୍‌ କରିଛନ୍ତି । ପ୍ରଥମ ପର୍ଯ୍ୟାୟରେ ଦେଶରେ ୩୦ ଲକ୍ଷ ଲୋକଙ୍କୁ ଟିକା ଦିଆଯିବ । ପୂର୍ବରୁ ୪ଟି ରାଜ୍ୟରେ ଓ ଗତ ୨ ତାରିଖରେ ସବୁ ରାଜ୍ୟରେ ଟିକା ଡ୍ରାଏ ରନ୍‌ ହୋଇଥିଲା ।

କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କ ବୈଠକରେ ଯୋଗ ଦେଇଥିଲେ ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ନବ କିଶୋର ଦାସ । ରାଜ୍ୟ ସରକାର ଟିକାକରଣ ନେଇ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । କେନ୍ଦ୍ର ସରକାରଙ୍କ ଗାଇଡଲାଇନ ଅନୁସାରେ କାମ କରାଯିବ ବୋଲି କହିଛନ୍ତି ନବ ଦାସ । ଆସନ୍ତାକାଲି ପ୍ରତି ଜିଲ୍ଲାରେ ୩ଟି କେନ୍ଦ୍ରରେ ଡ୍ରାଏ ରନ୍‌ ହେବ । ଗୋଟିଏ ପିଏଚସି ଓ ସିଏଚସି ଏବଂ ମେଡିକାଲ କଲେଜରେ ଟିକା ରିହରସାଲ୍‌ ହେବ । ଟିକାକରଣ ପରେ ପାର୍ଶ୍ୱ ପ୍ରତିକ୍ରିୟା ଦେଖାଦେଲେ କଣ କରାଯିବ ସେନେଇ ଆଲୋଚନା ହୋଇଛି ।

 

Related posts

ଓଡିଶା ମୋ ପରିବାର ଓ ଜୀବନ ବିନ୍ଦୁ ର ମିଳିତ ଆନୁକୂଲ୍ୟରେ ସାତ ଦିନିଆ ରକ୍ତଦାନ ଶିବିର ର ଦ୍ୱିତୀୟ ଦିନରେ ୫୭ ୟୁନିଟ ରକ୍ତ ସଂଗ୍ରହ କରାଯାଇଅଛି !!

Odisha Khabar 24

୬ ତାରିଖ ପର୍ଯ୍ୟନ୍ତ ରାଜ୍ୟର ବହୁ ଜିଲ୍ଲାରେ ଝଡ଼ ତୋଫାନ ସହ ପ୍ରବଳ ବର୍ଷାର ସମ୍ଭାବନା

Odisha Khabar 24

ଯାଜପୁର: ଯାବରା ପଞ୍ଚାୟତରେ ବନ୍ୟା ବିପନ୍ନଙ୍କ ପାଇଁ ଆସିଥିବା ରିଲିଫ ବାଟମାରଣା ଅଭିଯୋଗ,ପ୍ରତିବାଦରେ ପଞ୍ଚାୟତ ସମ୍ମୁଖରେ ଶତାଧିକ ଗ୍ରାମବାସୀଙ୍କ ଧାରଣା

Odisha Khabar 24

Leave a Comment